नाशिक जिल्ह्यात सप्तश्रुंगी गडावर भाविकांचा अपघात...

नाशिक जिल्ह्यातील वणी येथे सप्तश्रुंगी गडावर जाणाऱ्या भाविकांचा पीकअप पलटी होऊन सकाळी भीषण अपघात झाला आहे. या अपघातात 32 प्रवासी जखमी झाले आहेत. जखमींवर नांदुरी येथील रुग्णालयात व वणी ग्रामीण रुग्णालयात उपचार सुरु आहेत. सप्तश्रुंगी गडावरील दरडोई कर वसुली नाक्यापासून 500 मीटर अंतरावर हा अपघात झाला आहे. घटनास्थळी पोलिसांनी व स्थानिक नागरिकांनी धाव घेऊन जखमींना तातडीने रुग्णालयात दाखल केले.