महत्वाचा निर्णय! पाचवी-आठवीला वार्षिक परीक्षा होणार; विद्यार्थ्यांना उत्तीर्ण होणे बंधनकारक...
- MahaLive News
- Jun 24, 2023
- 1 min read
महाराष्ट्र शालेय शिक्षण विभागाने घेतलेल्या मोठ्या निर्णयानुसार, पाचवी आणि आठवीच्या विद्यार्थ्यांना वार्षिक परीक्षा उत्तीर्ण करणे बंधनकारक ठरवले गेले आहे. या परीक्षांच्या निकालानुसारच विद्यार्थ्यांना पुढील वर्गात प्रवेश मिळविण्याची परवानगी दिली जाईल. अशा प्रकारे, पाचवी आणि आठवी वर्गातील विद्यार्थ्यांना परीक्षेचे उत्तीर्णता निश्चित करते. राज्य सरकारने अधिसूचना जारी केली आहे. याआधी पाचवी आणि आठवीच्या विद्यार्थ्यांच्या वार्षिक परीक्षा होत असे. मात्र, पुढील वर्षात प्रवेश घेण्यासाठी उत्तीर्ण होणे बंधनकारक नव्हते.
महाराष्ट्र राज्यातील शिक्षण विभागाने 2011 मध्ये शिक्षण हक्क कायद्यामध्ये सुधारणा केली आहे, ज्यामुळे पाचवी आणि आठवीसाठी वार्षिक परीक्षा घेण्याचा निर्णय घेतला आहे. तसेच, शिक्षण विभागाने ही घोषणा केली आहे की पुढील वर्षात प्रवेश मिळविण्यासाठी विद्यार्थ्यांना वार्षिक परीक्षा उत्तीर्ण करणे आवश्यक असणार आहे.
इयत्ता पाचवी आणि आठवी वार्षिक परीक्षेत विद्यार्थी अनुत्तीर्ण झाल्यास पुनर्परीक्षेचा पर्याय विद्यार्थ्याला देण्यात आला आहे. पुनर्परीक्षेतही विद्यार्थ्यांना अनुत्तीर्ण झाल्यास इयत्ता पाचवी आणि आठवी वर्गातच त्या विद्यार्थ्याला ठेवले जाणार असल्याचे शालेय शिक्षण विभागाने स्पष्ट केले आहे. शिक्षण विभागाने प्रसिद्ध केलेल्या आदेशानुसार, पाचवीपर्यंत विद्यार्थ्यांना वयानुरूप वर्गात प्रवेश दिला जाणार आहे. विद्यार्थी पाचवीची परीक्षा उत्तीर्ण नसल्यास त्याला पाचवीच्याच वर्गात प्रवेश दिला जाईल. महाराष्ट्र राज्य शैक्षणिक संशोधन आणि प्रशिक्षण परिषदेकडून (एससीईआरटी) पाचवी आणि आठवीसाठीच्या वार्षिक परीक्षा, पुनर्परीक्षा आणि मूल्यमापन कार्यपद्धती निश्चित करण्यात येणार आहे. विद्यार्थी परीक्षा उत्तीर्ण होऊ शकला नाही, तर त्याला अतिरिक्त पूरक मार्गदर्शन करण्यात येईल.
वार्षिक परीक्षेचा निकाल जाहीर झाल्यापासून दोन महिन्यांत त्याची पुनर्परीक्षा घेतली जाणार आहे. संबंधित विद्यार्थी पुनर्परीक्षेतही अनुत्तीर्ण झाल्यास त्याला पुन्हा पाचवी किंवा आठवीच्याच वर्गात ठेवले जाईल. प्राथमिक शिक्षण पूर्ण होईपर्यंत कोणत्याही विद्यार्थ्याला शाळेतून काढून टाकले जाणार नाही, असे नमूद करण्यात आले आहे.
Comments